Kryebashkiakja e Parisit largohet nga Twitter: “Një kanal gjigand”

Kryebashkiakja e Parisit Anne Hidalgo njoftoi të hënën se do të largohej nga platforma X e njohur më parë si Twitter, duke e quajtur atë një “kanal gjigant global” që po “shkatërronte demokracitë tona” duke përhapur abuzime dhe dezinformata.

“Kjo platformë dhe pronari i saj përkeqëson qëllimisht tensionet dhe konfliktet,” tha Hidalgo në postimet e gjata në anglisht dhe frëngjisht, duke përmendur manipulimin, dezinformimin, antisemitizmin dhe sulmet ndaj shkencëtarëve, klimatologëve, grave dhe liberalëve.

“Unë refuzoj të mbështes këtë skemë të ligë,” tha ajo.

Kohët e fundit, ajo është vënë nën kritika për një udhëtim në ishullin francez të Tahitit, me sa duket për të parë një sit të Lojërave Olimpike të 2024-ës për surfing, por që kundërshtarët thanë se ajo vizitoi vajzën e saj që jeton atje.

Përdoruesit e X dhe politikanë të opozitës iu drejtuan hashtagut #TahitiGate për ta kritikuar atë për udhëtimin pjesërisht të financuar nga taksapaguesit.