Kryebashkiaku i Nju Jork thirrje qytetarëve: Përgatituni të qëndroni mbyllur deri në fund të majit

Kryebashkiaku i Nju Jorkut, Bill de Blasio, tha se njerëzit duhet të përgatiten të qëndrojnë të mbyllur deri në fund të majit.

Sipas “Daily Mail”, ai e dha këtë njoftim, pasi bëri parashikimin e rëndë se të paktën gjysma e banorëve të Nju Jork, që ka një popullsi prej 8.6 milion, do të preket nga koronavirusi.

Parashikimi i tij erdhi pasi hulumtimet nga Shkolla e Mjekësisë në Universitetin e Uashingtonit sugjeruan që 81,000 do të vriteshin nga virusi në SHBA dhe që pandemia nuk do të përfundojë deri në qershor.