Kryeministri Conte i prerë: Italia është BE e do japim kontributet

Kryeministri italian Giuseppe Conte ka hedhur poshtë zërat se Italia nuk pranon të dialogojë me BE mbi reformën fiskale të sapo aprovuar.

Në takimin e tij të parë me gazetarët e huaj në Itali, Conte informoi se i ka nisur një letër zyrtare Brukselit ku konfirmon bashkëpunimin me instituticionet europiane

“Italia është në BE dhe nuk e vë në diskutim raportin e saj me institucionet europiane,”-tha Conte. “Ne do të japim kontribut tonë.”

Shkak është bërë dekreti fiskal i sapo aprovuar nga qeveria por që ndërsa pritej të mbërrinte në zyrën e Presidentit të Republikës, dikush i ka ndryshuar tekstin.

Kryeminstri italian ka kërkuar menjëherë tërheqjen e tekstit të manipuluar duke pezulluar draftin fiskal deri në rishikimin nga ana e tij të të gjitha neneve.