Kufizimet për emigracionin, Scholz: Bashkëpunimi me ekstremin e djathtë i pafalshëm

Parlamenti gjerman ka miratuar një mocion që kërkon kufizime të ashpra për imigracionin. Kancelari Olaf Scholz, paralajmëroi opozitën se do të ishte gabim i pafalshëm miratimi i propozimeve me ndihmën e partisë së ekstremit të djathtë, Alternativa për Gjermaninë (AfD). Mocioni ishte shumë i diskutueshëm sepse mbështetej nga partia e ekstremit të djathtë. Mocioni u soll nga opozita konservatore CDU-CSU dhe u mbështet, nga AfD, duke thyer një tabu të kahershme mbi bashkëpunimin me partinë kundër imigracionit të ekstremit të djathtë. Deputetët e miratuan atë në një votim gjatë ditës së sotme me 348 vota pro, 345 kundër dhe 10 abstenime.