Lavrov në Turqi, pyetja e drejtëpërdrejtë nga gazetari ukrainas: Çfarë po vjedh Rusia përveç grurit?

Rruga për në Serbi u bllokua, por ministri i Jashtëm i Rusisë, Sergei Lavrov po zhvillon një vizitë zyrtare në Turqi.

”Përveç grurit, çfarë po i vjedh Rusia Ukrainës?”, me këtë pyetje provokuese, një gazetar ukrainas iu drejtua Lavrov, gjatë konferencës për shtyp në Ankara me homologun e tij turk Mevlut Çavusoglu.

“Sa i përket grurit, nuk ka asnjë pengesë apo problem të shkaktuar nga Federata Ruse. Zelensky thjesht duhet të japë udhëzime që portet e Ukrainës të bëhen të sigurta”, tha Lavrov, duke nënvizuar se topi është në fushën e Ukrainës.