”Lista e zezë” për udhëtimet në BE, Ballkani sërish jashtë

Që nga nisja e pandemisë së Covid-19, normaliteti nuk është më i njëjtë. Këshilli i Europës, ka përditësuar listën e vendeve ndaj të cilave mund të fillohet të hiqen sanksionet për sa i përket udhëtimeve. Vendet e anëtare mund të fillojnë të heqin kufizimet si dhe të hapin kufijtë për banorët e këtyre shteteve:

Australia
Japonia
Zelanda e Re
Ruanda
Singapori
Koreja e Jugut
Tailanda
Kina

Kriteret mbi të cilat vendoset nëse duhen hequr kufizimet e udhëtimeve për vendet jashtë BE janë: situata epidemiologjike dhe masat e ndërmarra duke përfshirë rregullat për distancimin fizik, si dhe gjendja ekonomike e sociale. Vendet e Ballkanit Perëndimor kanë mbetur sërish jashtë kësaj liste për shkak të shifrave të larta që janë regjistruar gjatë muajve të fundit.