Ende Covid-19 është në mesin tonë, që prej vitit 2019 kur u shfaq për herë të parë në provicën Wuhan të Kinës. Numri i personave që janë shëruar pas prekjes nga virusi vdekjeprurës në mbarë botën ka tejkaluar shifrën 135 milionë. Sipas faqes së internetit “Worldometers”, e cila përpilon të dhënat mbi pandeminë, 135.112.056 persona në botë janë shëruar pas infektimit me Covid-19.
Tri vendet e para me numrin më të lartë të rasteve në botë në të njëjtën kohë janë gjithashtu edhe vendet ku janë shëruar më shumë persona. Numri më i madh i personave të shëruar është regjistruar në SHBA (26.324.757), Indi (17.930.960) dhe Brazil (13.640.478).
Më pas radhiten Turqia (4.662.328), Rusia (4.488.615), Britania e Madhe (4.241.192), Italia (3.572.713), Spanja (3.248.010), Gjermania (3.147.100), Kolumbia (2.788.751), Argjentina (2.777.902) dhe Polonia (2.563.079).
Nga ana tjetër, në të gjithë botën ende janë në trajtim 19.238.260 persona. Që nga shfaqja për herë të parë në qytetin Wuhan të Kinës në dhjetor 2019, koronavirusi është përhapur në mbarë botën duke infektuar 157.636.813 persona dhe duke shkaktuar 3.286.497 të vdekur.