”Lufta mund të zgjasë me vite”, NATO: Mbështesim Ukrainën

Sekretari i Përgjithshëm i aleancës ushtarake, Jens Stolteberg, i cili paralajmëroi se duhet të përgatiteshin për një luftë të gjatë, tha se NATO është e gatshme që të mbështesë Ukrainën në luftën kundër Rusisë.

“Ekziston absolutisht mundësia që kjo luftë të zvarritet për muaj e madje edhe vite”, tha Stoltenberg gjatë një takimi me të rinjtë në Bruksel. Shefi i NATO-s, tha edhe se aleatët po përgatiteshin ti furnizonin Kievin me armë të standardit të aleancës.

Bundestagu gjerman miratoi sot dërgimin e tankve në Ukrainë në një kthesë dramatike të politikës së Berlinit. Stoltenberg tha se Finlanda dhe Suedia mund t’i bashkoheshin aleancës shumë shpejt.