Lufta në Ukrainë, kryeministri i Spanjës: Bota të dëgjojë Kinën

Kryeministri i Spanjës, Pedro Sanchez, thotë se bota duhet të dëgjojë zërin e Kinës në mënyrë që të gjendet një mënyrë për t’i dhënë fund luftës në Ukrainë.

”Kina është një aktor global, kështu që natyrisht që ne duhet ta dëgjojnë zërin e saj për të parë nëse mes të gjithëve ne, mund t’i japim fund kësaj lufte dhe Ukrainë mund ta rimarrë integritetin e saj territorial”,-tha Pedro Sanchez. Lideri spanjoll pritet që të vizitojë kryeqytetin kinez më 31 mars për bisedime me presidentin Xi Jinping.

Kujtojmë se Sanchez e ka mbështetur publikisht planin e presidentit Zelensky për paqe, në të cilin përfshihet kërkesa për të rikthyer territorin e Ukrainës në status quo-në që ishte përpara aneksimit të Krimesë nga Rusia në vitin 2014.