Lufta në Ukrainë, Rusia fut në punë “Terminatorin” (VIDEO)

Në luftën që nuk po e ndalon në Ukrainë, Rusia ka vendosur të fusë në punë Terminatorin. Bëhet fjalë për një tank luftarak që Kremlini e përfshiu në forcat e tij ushtarake disa muaj më parë.

Tanket e reja peshojnë 44 tonë, janë 7,2 metra të gjatë dhe 3,6 metra të gjerë. Këto tanke beteje janë ndërtuar duke u bazuar në përvojën ushtarake që Kremlini fitoi në Afganistan dhe luftën e parë çeçene.

Terminatori mund të përfshihet në luftime me intensitet të lartë në zonat urbane. Për momentin, Rusia ka vetëm 9 tanke kryesore luftarake Terminator ose BMPT-72.