Lumi del nga shtrati, balta varros 11 nxënës në një shkollë në Indonezi

Rrëshqitjet e tokës dhe përmbytjet pas reshjeve të mëdha të shiut në ishullin indonezian të Sumatrës kanë lënë të paktën 21 njerëz të vdekur, thonë zyrtarët.

11 prej tyre ishin fëmijë që u varrosën nën baltë kur përmbytjet dhe dherat vërshuan në klasën e tyre në fshatin Muara Saladi. Ndërsa 10 persona rezultojnë të zhdukur.

Më shumë se 500 shtëpi në provincat e Sumatrës Veriore dhe Perëndimore janë dëmtuar.

Incidenti më vdekjeprurës ishte ai në fshatin Muara Saladi. Fëmijët po studionin të premten pasdite, kur një lumë doli nga shtrati dhe e rrëzoi murin e tyre të klasës.

“Nxënësit u varrosën nga balta dhe muri i klasës,”-tha një zëdhënës.

Ekipet e kërkim-shpëtimit gjetën trupat e tyre disa orë më vonë. Dhe të paktën një fëmijë është në mesin e 10 të zhukurve.

Evakuimet janë duke zhvilluar në shumë zona, por fshatrat e prekura janë në male dhe mbërritja atje është e vështirë, për shkak të rrugëve të dëmtuara.

Incidentet e tjera:

-Dy trupa u gjetën në një makinë në lagjen Mandailing Natal

-Katër fshatarë mbetën të vdekur pasi rrëshqitjet e tokës goditën rreth 100 ndërtesa në Sibolga.

-Përmbytjet vranë katër të tjerë në rrethin Tanah Datar