Macron: Tarifat e Trump të papranueshme, po përdoren si mjet për të bërë presion për çështjen e Groenlandës

Presidenti francez, Emmanuel Macron i pranishëm në Forumin Ekonomik të Davosit, i cilësoi si të papranueshme tarifat e presidentit amerikan, Donald Trump, ndaj vendeve të cilat kanë dërguar trupa ushtarake në Groenlandë.

Sipas Macron, tarifat po përdoren nga Trump si një mjet për të bërë presion, teka shtoi se Evropa i kushton rëndësi të madhe sovranitetit dhe rregullave ndërkombëtare. “Franca dhe Evropa i kushtojnë rëndësi të madhe sovranitetit dhe pavarësisë si dhe rregullave të së drejtës ndërkombëtare. Kjo është arsyeja pse kemi vendosur të vendosim forcat tona në Grenlandë”, theksoi ai.

Ndër të tjera, Macron tha se bota po hyn në një periudhë paqëndrueshmërie dhe ku ligjin e bën më i forti. “Bota po anon drejt autokracisë; në vitin 2024, ka pasur mbi gjashtëdhjetë luftëra, megjithëse më është thënë se disa janë zgjidhur”, tha Macron me ironi, duke iu referuar pretendimit të Trump se ka mbyllur disa konflikte.