Manchester, hetimet zbulojnë pse u injorua historia e kamikazit

Agjensia e inteligjencës ka hapur një hetim të brendshëm sesi kanë vepruar autoritetet duke e ditur se kamikazi Salman Abedi, 22 vjeçar ishte një element i cili përfaqësonte një kërcënim terrorist dhe për sulmin në Manchester Arena.

Burime nga qeveria e Theresa May bëjnë me dije se do të hetohet se përse nuk u ndërmor asnjë veprim  për të vendosur nën kontroll apo arrestuar Abedi edhe pse ishin marrë tri sinjalizime kundër tij.

Nën hetim do të përfshihen edhe zyrtarë të lartë  të cilët janë përgjegjës për  mbikëqyrjen e shërbimit secret.Pak ditë më parë vetë burime qeveritare bën me dije e se e njihnin 22 vjecarin dhe konsiderohej një ekstremist i rrezikshëm.

Sinjalizime të tilla mendohet se kanë ardhur gjatë kohës kur i riu frekeuntonte Kolegjin në Mancester, ndërsa sinjalizimi i dytë gjatë kohës kur frekeuntonte  një xhami ku ai kishte patur edhe konflikte.