Maqedoni, Turqia jep donacion 2 milionë $ për ushtrinë

Jolevski theksoi se ky donacion përbëhet nga pajisje të reja me kualitet të lartë për standardet e NATO-së dhe kjo  do të jetë kontribut i rëndësishëm në furnizimin e pajisjeve dhe modernizimin e ARM-së.

Ambasadori i Turqisë në Maqedoni, Omur Sholendil, deklaroi se marrëdhëniet miqësore ndërmjet Turqisë dhe Maqedonisë në fushën e mbrojtjes janë një përparim dypalësh ndërmjet vendeve tona. “Maqedonia si zemra e Ballkanit, vend kryesor për prosperitet në rajon, dhe sigurisht për një kohë të shkurtë Maqedonia do të bëjë një hap të madh për anëtarësim në NATO, të cilën e meriton”.

Donacioni në vlerë prej 2 milionë dollarë, përfaqëson vazhdimin e donacioneve të përgjithshme të Turqisë, vlerë që deri më tani ka arritur 20 milionë dollarë. Turqia është vend i parë që dhuron pajisje ushtarake në Maqedoni dhe nënshkruan marrëveshje për bashkëpunim.