Marrëveshja me Kishën Ortodokse Serbe mund të rrëzojë kryeministrin malazez, Dritan Abazoviç

Qeveria e Malit të Zi në seancën e sotme do të diskutojë për vendosjen e një kontrate themelore me Kishën Ortodokse Serbe (KPS), dhe nëse do ta votojnë në të njëjtën kohë do të varet nga vendimi i kryeministrit Dritan Abazoviç (Lëvizja Civile URA).

Mësohet se Abazoviçit në takimin e liderëve partiakë të shumicës parlamentare i është thënë nga DPS dhe SDP, se nëse dokumenti miratohet sot, menjëherë do ta anulojnë mbështetjen për Qeverinë. Lideri i DPS-së, Gjukanoviç, sipas burimit të gazetës Vijesti, sugjeroi formimin e një komisioni për t’u marrë me kontratën bazë.

Ky është epilogu i mbledhjes së djeshme të liderëve të partive në pushtet dhe seancës së Komisionit Qeveritar për Sistemin Politik, të cilat u mbajtën për shkak të kontratës themelore, e cila prodhoi mosmarrëveshje brenda shumicës parlamentare dhe kërcënoi mbijetesën e kabinetit të Abazoviçit. Kryeministri tha mbrëmë për TVCG se do të vendos nëse votimi do të mbahet sot apo siç tha ai “në fund nëse mungojnë disa ministra do të përfundojë në seancë elektronike”.

Edhe pse sipas Rregullores së Qeverisë, versioni i punës i kontratës bazë është dashur të kalojë në Komisionin për Sistemin Politik para seancës, por as që është diskutuar në atë organ.

Sipas informacioneve të “Vijesti”, zëvendëskryeministrat Rashko Konjeviç (SDP) dhe Vladimir Jokoviç (Partia Popullore Socialiste-SNP) në seancën e Komisionit kanë propozuar që dokumenti të mos shqyrtohet, por të shkojë drejtpërdrejt në Qeveri.

Seanca e Qeverisë është caktuar për në orën 12:00 dhe do të transmetohet drejtpërdrejt

Burimi i “Vijesti” ka thënë se kreu i SDP-së Konjeviç ka thënë se partia e tij dhe DPS-ja, nëse dokumenti miratohet sot, menjëherë do ta anulojnë mbështetjen për qeverinë.

Kreu i shtetit dhe lideri i DPS-së, Milo Gjukanoviç, në takim, ka qëndruar i rezervuar dhe më pas ka sugjeruar që më vonë të vendoset për kontratën themelore dhe ndërkohë të formohet një komision i cili do të përbëhet na avokatë, historianë, përfaqësues të OJF-ve dhe ekspertë të tjerë, të cilët do të merreshin me kushtetutshmërinë dhe ligjshmërinë e çdo neni të kontratës.

Në rast se DPS dhe SDP ia kthejnë shpinën Abazoviçit, për të rrëzuar Qeverinë ose për të shkurtuar mandatin e Kuvendit, kjo mund ta çojë vendin në zgjedhje të jashtëzakonshme.