Mbledhja e Këshillit të Sigurimit të OKB-së për Venezuelën, Guterres: Jemi të shqetësuar

Sekretari i Përgjithshëm i Kombeve të Bashkuara, Antonio Guterres flet për një shqetësim në lidhje me një intensifikim të mundshëm të paqëndrueshmërisë në Venezuelë pas kapjes së presidentit të vendit Nicolas Maduro nga Amerika. Guterres u bëri thirrje të gjithë aktorëve venezuelianë të angazhohen në një dialog gjithëpërfshirës dhe demokratik.

“Unë mirëpres dhe jam i gatshëm të mbështes të gjitha përpjekjet që synojnë të ndihmojnë venezuelianët në gjetjen e një rruge paqësore përpara”, tha Guterres. Sipas mediave, ai gjithashtu shprehu shqetësim se operacioni amerikan për të kapur Maduron në Karakas të shtunën nuk respektoi rregullat e së drejtës ndërkombëtare.

Këshilli i Sigurimit prej 15 anëtarësh u mblodh në selinë e OKB-së në Nju Jork vetëm disa orë para se Maduro të paraqitej në gjykatën federale të Manhattanit për akuza për drogë, përfshirë konspiracion dhe narko-terrorizëm, ndërsa ai vetë ka mohuar çdo përfshirje kriminale.