“Fundi i rritjes eksponenciale, rënia e përhapjes së koronavirusit”, është titulli i shkrimit që ka botuar në gazetën “Times of Israel” studiuesi Isaac Ben Israel.
Ai i mëshon idesë se pavaraësisht politikave dhe masave izoluese që ka marrë çdo vend, kudo është vënë re një tendencë e ngjashme e sëmundjes: shtim i shpejtë i infeksioneve të cilat mbërrijnë pikun pas gjashtë javësh, dhe nga java e tetë, nis rënia e kurbës së sëmundjes.
Ben Israel e ka diskutuar edhe më parë idenë e tij se përhapja e koronavirusi fashitet pas 70 ditësh kudo ku ai godet. Në studimin e tij, ai shqyrtoi zhvillimin e sëmundjes në shtetin hebre që nga fillimi i saj përpara 56 ditësh (8 javësh).
Piku duket ka dy javë që ka kaluar, dhe rënia pritet të vazhdojë edhe përgjatë dy javëve të tjera. Sipas analizës së bërë, ky trend shihet edhe në vende të tjera, duke si përfshirë ato që kanë vendosur karantina të forta duke rezultuar më paralizimin e ekonomisë, ashtu edhe ato që kanë vazhduar jetën si nornalisht, me disa masa më të lehta.
“Të dhënat”, thuhet në shkrim, “tregojnë se politika e bllokimit mund të ndalet brenda disa ditësh dhe të zëvendësohet nga një politikë e distancimit të moderuar shoqëror”.