Megaoperacioni në Greqi, kapen 560 kg drogë. Në pranga 4 shtetas shqiptar (VIDEO)

Një operacion i forcave speciale greke EKAM dhe Forcave të Nderhyrjes së Shpejtë në Elefsija dhe Korinth ka çuar në sekuestrimin e 560 kg 620 gram marijuanë.

Mësohet se janë kontrolluar një automjet dhe një banesë dhe përveç 560 kg 620 gramë marijuana janë sekuestruar edhe 4610 euro, 9 celularë, 3 automjete. Janë arrestuar 4 shqiptarë të moshës 29, 35, 36 dhe 37-vjeç dhe një grek 16-vjeç. Vlera e drogës së sekuestruar llogaritet 840.000 euro.

Konkretisht, organizata drejtohej nga një 36-vjeçar, i cili kishte për detyrë të gjente, të transportonte dhe furnizonte trafikantët e drogës nga Attica dhe Corinth. Anëtarët e tjerë ishin përgjegjës për ruajtjen, standardizimin dhe shpërndarjen e sasive të kanabisit të papërpunuar.