Merkel, gruaja që na duhet në një botë të mbushur me burra të rrezikshëm

“Merkel, gruaja që na duhet në një botë të mbushur me burra të rrezikshëm”. Me ketë titull, britanikja “The Times” e shpalli kancelaren gjermane Angela Merkel, gruan e vitit. Një tjetër titull që vjen për “zonjën e hekurt”, e cila mund të konsiderohet liderja e padiskutueshme e Bashkimit Europian. Ajo drejton për të tretin mandat radhazi vendin me ekonominë më të fortë në Union, që po përpiqet të nxerrë të gjithë Eurozonën nga kriza ekonomike. The Times i njeh zonjës Merkel kontributin për stabilitetin në Europë, veçanërisht pas konfliktit në lindje të Ukrainës. Revista shkruan se ishte ajo që e ndaloi presidentin rus Putin në planet e tij për të pushtuar territore të tjera në Ukrainë.