Kancelarja gjermane Angela Merkel tha të mërkurën se duhet të bëhet e qartë se pandemia e coronavirusit nuk ka mbaruar dhe masat themelore siç janë distancimi shoqëror dhe veshja e maskave të fytyrës janë ende të nevojshme.
“Nuk ka ikur. Virusi është ende në mesin tonë”, u ka thënë Merkel gazetarëve.
Ajo ka shtuar se ishte e rëndësishme për të që të pajtohej me shtetet federale të Gjermanisë për çështjet kryesore për trajtimin e coronavirusit.
Qeveria federale e Gjermanisë po vëzhgon coronavirusin nga afër, por përgjegjësia praktike qëndron gjithnjë e më shumë me 16 shtete, tha kancelarja Angela Merkel të mërkurën, duke shtuar se duhet të tregohet kujdes për të shmangur virusin që përhapet përsëri shpejt.
“Ne jemi ende në fillimin e pandemisë”, u tha ajo gazetarëve, duke shtuar: “Ne mund të shohim… sa shpejt mund të ndodhë që infeksionet të përhapen kështu që ne duhet të jemi shumë të kujdesshëm”.
Sipas të dhënave të Universitetit John Hopkins, në Gjermani janë regjistruar rreth 180 mijë raste të coronavirusit me mbi 8000 viktima.