Merkel: Largohem si kancelare në 2021-shin

Angela Merkel do të largohet nga posti i kancelares në vitin 2021. Gruaja e fortë e europës e mori vendimin pas humbjeve të thella në zgjedhjet rajonale te Hessenit këtë fundjave, perfomanca më e fundit e dobët e partive te koalicionit të saj qeverisës.

Gjatë ditëve në vazhdim, ajo do të largohet edhe nga drejtimi i CDU-së, te cilin e ka mbajtur që në vitet 2000.

“Si kancelare dhe si kryetare e CDU-së unë mbaj përgjegjësi të plotë për sukseset dhe për dështimet. Rezultati I zgjedhjeve ne Hessen ishte i hidhur dhe zhgënjyes; dega e partisë atje duhet të kishte dalë më mirë”, u shpreh ajo.