Një grup turistësh që po udhëtonin me anije rreth ishujve Galapagos janë përballur me një vendim të vështirë: të digjen ose të hidhen afër peshkaqenëve.
Gjatë natës, pasagjerët vunë re tymin që po dilte nga dhoma e motorit. Në një video të realizuar nga gazetarja Lisa Bartley, turistët dëgjohen duke bërtitur që të mbanin frymën.
Një shoqe e saj tha: “Anija ka marrë flakë. Thanë se vjen nga dhoma e motorit. Nuk e di nëse duhet të qëndroj në anije apo të hidhem në ujërat plot me peshkaqenë”.
Më pas, të gjithë morën jelekë shpëtimi. 16 turistë dhe 11 anëtarë të ekuipazhit u hodhën në ujë. Problemi nuk përfundoi këtu. Dy anijet e shpëtimit nuk lëviznin kështu që u detyruan të notonin në errësirë, të gjithë bashkë për një orë.
Personat që i drejtonin thanë që të mbanin duart e kapura dhe të mos ndaheshin nga njëri-tjetri derisa arritën në ishullin më të afërt.
Fatmirësisht, pas një ore arritën të rregullonin anijet e shpëtimit dhe për dy orë e gjysmë mbërriti një anije e madhe që i shpëtoi të gjithë.