Ministri flet pa doreza: Brukseli është një ”kurvë” që…

Pascal Smet, dëshiron të reformojë strukturat burokratike të shkatërruara në Belgjikë. Charles Michel, kryeministri i Belgjikës, sulmoi të premten Smetin, pasi ky i fundit e krahasoi qytetin e Brukselit me “një kurvë”. Michel tha se qyteti i Brukselit dhe njerëzit e saj “meritojnë më shumë respekt”.

Smet, ministër i lëvizjes dhe punëve publike të Brukselit, foli për Politico ku shpjegoi krahasim që ka hapur një debat. ”Unë e krahasoj Brukselin shumë shpesh me një prostitutë. Sepse është e bukur, është shumë e brishtë, por në të njëjtën kohë është shumë e shëmtuar. Është atraktive dhe në të njëjtën kohë jo tërheqëse. Është e bukur në shëmtinë e saj dhe e shëmtuar në bukurinë e saj”,-tha ai.

Nuk vonoi shumë dhe Smet kërkoi falje për komentet e tij, të bëra gjatë diskutimit të projektit ”Një Bruksel”, për të bashkuar qeverisjen me të gjithë qeveritë lokale dhe rajonale të vendit, për të cilat ai thotë se taksapaguesve mund tu shpëtohen 1 miliard euro. Pascal Smet dëshiron të reformojë strukturat burokratike të shkatërruara të qytetit.