Ministria greke e Rendit: Skandaloze gjendja në qendrat e paraburgimit të emigrantve

Zëvëndës Ministri i Rendit Janis Panusis, ka vizituar sot Qendrën e Paraburgimit të Emigrantëve të huaj në Amigdhaleza, pas incidentit të ndodhur mbrëmjen e të premtes, ku një emigrant 28 vjeçar me origjin pakistaneze u vetvarë në dhomën e paraburgimit. Gjatë vizitës së tij z. Panusis është skandalizuar me gjendjen e ambienteve dhe trajtimin e mjerë të të huajve.

“Ndjeva turp për atë që pashë në qendrën e paraburgimit të emigrantëve në Amigdhaleza” u shpreh Zv/Ministri, pas si vizitoi qendrën.

Pas vizitës z. Panousis ka njoftuar heqjen e menjëhershme të gjitha qendrave dhe zevendësimin e tyre me qendra të hapura të mikpritjes për emigrantët e huaj. Ky problem siç tha ai, do të zgjidhet në ditët e ardhëshme, pas një bashkëpunimi nga përfaqësitë e dy ministrive, asaj të Politikave të Emigracionit dhe Ministriës së Rendit.

Zëvendësministri tha për gazetrët se: "Erdha këtu për të shprehur ngushllimet dhe keqardhjen time, të ministrit dhe të qeverisë. Por tani shpreh turpin tim, jo si ministër, por si njeri, si përfaqësues i një kulture të qytetrimit.” Ai u shpreh se nuk e besonte atë që pa në lidhje me kushtet në qendrat e paraburgimit, dhe deklaroi se kjo gjendje nuk ka të bëjë me mënyrën e sjelljes dhe qëndrimin e policisë, i cili është i saktë, por me konceptin e krijimit të ktyre qendrave. "Nuk është një imazh i një vendi evropian dhe një vendi që respekton qeniet njerëzore," shtoi ai duke deklaruar se kjo gjendje duhet të ndryshoj në mënyrë kategorike. "Qendrat e paraburgimit për emirantët të marrin fund." Ai tha se me ndryshimin e ktyre qendrave në qendra të hapura mikpritje dhe ndryshimet në të gjithë sistemin që do të bëhen në bashkëpunim me Ministren e Politikave të Emigracionit zonjën Tasia Kristodhulopulu do të sigurojë kushte humane për të huajt.