Misioni i NASA-s: “Çipa organesh” në hapësirë për njohuri shëndetësore

NASA ka dërguar në hapësirë “çipa organesh” futuristike, të njohura si “AVATARS”, të cilat janë “avatarë” të kulturave qelizore të ekuipazhit të misionit Artemis II, me qëllim fitimin e njohurive mbi ndikimin e hapësirës në shëndetin e njeriut. Këta “AVATARS”, ose “A Virtual Astronaut Tissue Analog Response”, janë çipa transparentë sa një USB, që mbajnë qeliza të palcës së kockave të dhuruara nga secili anëtar i ekuipazhit.

Këta “çipa organesh” u mundësojnë shkencëtarëve të simulojnë atë që u ndodh organeve të astronautëve në hapësirën e thellë, duke ofruar informacion të detajuar se ku dhe kur rrezatimi dhe mikrograviteti fillojnë të ndikojnë në trup. Përdorimi i qelizave të palcës së kockave nga AVATARS-at e ekuipazhit të Artemisit i lejon studiuesit të përqendrohen në përgjigjet imunitare të astronautëve gjatë udhëtimit në hapësirë.

Këto njohuri mund të çojnë në trajtime të personalizuara, duke u mundësuar astronautëve të ndërmarrin misione më komplekse me terapi të përshtatura. Synimi është që shkencëtarët të dërgojnë paraprakisht avatarë të astronautëve të përzgjedhur për udhëtime në hapësirën e thellë dhe misione afatgjata, në mënyrë që ekuipazhet të përgatiten për sfidat e mundshme shëndetësore.

Marrë nga The Daily Beast