Moti i keq në SHBA, pezullohen 80 fluturime, mbi 100 mijë shtëpi pa energji

Moti i keq ka pushtuar edhe Bregun perëndimor të Shteteve të Bashkuara. Kalifornia, Uashingtoni dhe Nevada janë përfshirë nga stuhitë e erës dhe shiut.

Rreshjet nisën që të premten pasdite në Kaliforninë e veriut duke rritur shqetësimin për përmbytje dhe rrëshqitje masive dheu. Stuhia e formuar në ujërat e oqeanit paqësor ka vënë në gjendje alerti banorët e zonave bregdetare që kanë marrë menjëherë masa duke vendosur thasë me rërë për të parandaluar përmbytjet e shtëpive. Më shumë se 114 mijë shtëpi dhe qendra biznesi kanë mbetur pa energji elektrike deri në mbrëmjen e së premtes, por mund të ketë sërish probleme pasi parashikohet që e gjithë fundjava do të jetë me reshje të dendura dhe erëra të forta deri në 215 kmorë.

Skuadrat e ndihmës së shpejtë janë vënë në gjendje alerti në Kaliforni, Oregon dhe Uashington , ndërsa autoritetet aeroportuale kanë pezulluar mbi 80 fluturime.

Moti i keq në SHBA, pezullohen 80 fluturime, mbi 100 mijë shtëpi pa energji