NATO: Vendimi i Putin për sulmin ndaj Ukrainës, gabim i tmerrshëm strategjik

Sekretari i Përgjithshëm i NATO-s, Jens Stoltenberg në një konferencë për shtyp, tha se Rusia ka prishur paqen në Europë. Ai i bën thirrje Rusisë që të ndërpresë menjëherë sulmin, të tërheqë forcat ushtarake nga Ukraina dhe të rihyjë në dialogun paqësor.

“Kjo krizë na prek të gjithëve. NATO i bën thirrje Moskës që të tërheqë të gjitha forcat e saj nga Ukraina dhe “të kthehet prapa nga rruga e agresionit që ka zgjedhur. Vendimi i Presidentit Putin për të sulmuar Ukrainën është një gabim i tmerrshëm strategjik, për të cilin Rusia do të paguajë një çmim të rëndë, si ekonomikisht ashtu edhe politikisht, për vitet në vijim”.

Për dërgimin e trupave në Evropën Lindore, NATO thotë se do të bëjë të gjitha dislokimet e nevojshme për të siguruar parandalim dhe mbrojtje të fortë dhe të besueshme.