Nderimi nga Argjentina për Maradonën, një kartëmonedhë me figurën e tij

Grupi i mazhorancës në Senatin e Argjentinës ka propozuar një tjetër nismë për të kujtuar figurën e Diego Armando Maradona. Senatorët argjentinas kanë propozuar që 50% e kartëmonedhave nga 1000 pesos (110 euro) që do të realizohen gjatë vitit 2021, t’i kushtohen mitit të futbollit botëror.

Sipas tyre, kartëmonedha duhet të ketë nga një anë fytyrën e futbollistit dhe nga ana tjetër momentin e shënimit të golit ndaj Anglisë, në vitin 1986, që cilësohet si një ndër golat më të bukur të të gjitha kohërave.

Krahas kësaj nisme, është propozuar edhe krijimi i një koleksioni pullash postare që kujton momentet më të veçanta të Maradonës.