Ndodhi takim historik mes Koresë së Jugut dhe të Veriut

Duket se mes rivalëve, ka edhe paqe. Presidenti i Koresë së Jugut, Monn Jae-in ka pritur në një takim motrën me ndikim të udhëheqësit së Koresë së Veriut, Kim Yo-jong, në Pallatin Presidencial, në Seul.

Ky është delegacioni më i rëndësishëm i Veriut që viziton Jugun që nga koha e Luftës Koreane në vitet ’50.

Takimi vjen pasi SHBA ka paralajmëruar që të kihet kujdes me Korenë e Veriut. Administrata Trump thotë se nuk duhet rënë pre e sharmit të Veriut gjatë Lojrave Olimpike Dimërore.

Sot pritet që Moon Jae-in dhe Kim Yong-nam, një zyrtar i lartë koreano-verior, të shikojnë së bashku një ndeshje hokeji në akull.