”Në burgje po përdh*nohen”, Greqia i përgjigjet akuzave të ashpra të Kroacisë ndaj vra*sjes së tifozit

Një tifoz i AEK-ut u masakrua për vdekje në Athinë nga grupi “Bad Blue Boys”, që mbështesin Dinamon e Zagrebit. Presidenti kroat Zoran Milanoviç, ka shpërthyer në kritika pas arrestimit nga autoritetet greke të mbi 101 tifozëve kroatë. “U shpërndanë nëpër burgje për t’u rrahur e përdhunuar”,-tha ai.

Përfaqësuesi i Ministrisë së Punëve të Jashtme, Stratos Efthymiou tha se një gjë e tillë nuk ka ndodhur, duke theksuar se këto deklarata nuk i shërbejnë zgjidhjes së çështjes.

“Që në momentin e parë, Qeveritë e Greqisë dhe Kroacisë kanë qenë në komunikim për të menaxhuar situatën e krijuar pas vrasjes tragjike të tifozit grek. Në Greqi funksionon një shtet ligjor.

Duke respektuar të drejtat themelore të të gjithë atyre që janë në paraburgim të përkohshëm, gjyqësori i pavarur grek do të gjykojë çështjen në mënyrë të paanshme dhe objektivisht. Dhe shteti grek garanton gjithmonë respektimin dhe integritetin e të burgosurve. Çdo deklaratë që shtrembëron realitetin nuk shërben në rrethanat aktuale”, komentoi Stratos Efthymiou.