New York Times: Trump konsideron të shesë Porto Riko pas uraganit Maria

Presidenti, Donald Trump, e konsideroi idenë e shitjes së Porto Rikos në 2017 pasi ishulli u shkatërrua nga Uragani Maria, tha  në një intervistë për New York Times ish-sekretarja në detyrë e Homeland Security.

“Idetë fillestare të Presidentit ishin më shumë si një biznesmen, ju e dini”, tha Elaine Duke, e cila shërbente si sekretare në detyrë e DHS’ kur uragani goditi ishullin në shtator 2017.

“A mund ta transferojmë energjinë elektrike? A mund ta shesim ishullin? ” thuhet të ketë thënë sipas Dukes.

Ajo tha se ideja për të shitur Porto Rikon nuk u mor kurrë në konsideratë dhe as nuk u diskutua seriozisht pasi zoti Trump e propozoi atë.

Afro 3,000 njerëz vdiqën si pasojë e stuhisë por edhe pasojave që shkaktoi ajo si mungesa e energjisë elektrike, ujit të pijshëm dhe kujdesit të duhur mjekësor.

Trump më parë ka akuzuar zyrtarët e Porto Rikos për menaxhimin e miliardave dollarëve fonde të dhënë nga administrata e tij për rimëkëmbjen pas stuhisë.

Sipas tij, drejtuesit e ishullit i shpenzuan disa prej parave për arsye të tjera.

Në nëntor 2018, zyrtarët e Shtëpisë së Bardhë u thanë udhëheqësve të kongresit se Presidenti nuk donte ndonjë fond shtesë lehtësimi për ta dërguar në ishull.

Trump vazhdimisht ka mohuar çdo faj nga administrata e tij për menaxhimin e stuhisë.

Përkundrazi, Presidenti ka kërkuar lavdërime për trajtimin e  uraganit Maria, duke e cilësuar atë “një sukses të pabesueshëm” vitin e kaluar.