Nipi i Meghan Markle kapet me thikë në një lokal nate, është kultivues dhe përdorues hashashi

Nipi i Meghan Markle u arrestua në Londër, duke u përpjekur për të hyrë në një klub nate me një thikë në brez. Ndërkohë vet Tyler Dooley i biri 25-vjeçar i vëllait të dukeshës, ishte justifikuar te oficerët e sigurisë lokale.
Ai ka thënë: “Unë nuk dua të sulmoj askënd. E kam atë për mbrojtje për shkak se Donald Trump ka thënë se Londra është tani një zonë lufte.” Pas ndalimit dhe ofrimit të një justifikimi të dyshimtë, 25-vjeçari u përpoq gjithashtu të arratisej, por u ndalua dhe u dorëzua në polici.

Tyler jeton në Oregon, në Shtetet e Bashkuara, dhe është prodhues i marihuanës për qëllime personale. Ai kohët e fundit njoftoi se kishte krijuar një lloj kanabisi, të cilit i kishte vendosur emrin “Meghan”.

Në afërsi të dasmës mbretërore, kishte shkruar edhe një letër të hapur, botuar më vonë në gazeta, në të cilën i sugjeronte Princit Herri të mos martohej me motrën e babait të tij, duke e quajtur atë “një grua të lodhur, sipërfaqësore dhe arrogante”.