Një shëtitje brenda Pallatit Mbretëror që do hapet për vizitorët për herë të parë

Krahu lindor i Pallatit Buckingham po hap dyert për publikun për herë të parë.

Vizitorët do të mund të shohin brenda dhomës së famshme qendrore të pallatit, ku mblidhet familja mbretërore përpara se të dalë në ballkonin e famshëm.

Turistët do të jenë në gjendje të vizitojnë krahun lindor pas më shumë se pesë viteve përmirësime që kanë kushtuar 369 milionë paund.

Vizitat e krahut lindor do të zgjasin vetëm deri në fund të gushtit, kështu që ka mundësi të kufizuara për fansat mbretërorë dhe historianët që të gjejnë kohën për të dalë një xhiro.

Çfarë është në krahun lindor të Buckingham Palace?

Krahu lindor i Pallatit Buckingham u ndërtua midis viteve 1847-49 për të krijuar më shumë hapësirë ​​për familjen në rritje të Mbretëreshës Victoria.

Kur ajo u transferua, disa ditë pas vdekjes së xhaxhait të saj Uilliam IV, nuk ishte përdorur kurrë më parë si rezidenca kryesore e një monarku.

Krahu lindor ka përballë “The Mall”, ku turmat mblidhen gjatë ngjarjeve të mëdha, duke përfshirë Trooping the Colour.

Nëse po mendon se edhe vizitorët do mund të dalin në ballkon, përgjigjja është Jo.

Dera e ballkonit do të jetë e mbyllur.

Dhomat kryesore të krahut lindor përmbajnë disa nga artikujt më të mirë në Koleksionin Mbretëror – shumë prej të cilave u zhvendosën nga Pavi Mbretëror.