Një shqiptar në Gjykatën Kushtetuese, ”tërbon” Serbinë

Gjyqtari i ri i mundshëm ndërkombëtar në Gjykatën Kushtetuese të Bosnje-Hercegovinës pritet të jetë një shqiptar, por kjo ka ”tërbuar” anëtarin serb të presidencës trepalëshe të vendit, Milorad Dodik.

Ai pretendon se një lëvizje e tillë do të jetë produkt i lobimit nga ana e myslimanëve nga Sarajeva. Dodik thotë se Republika Srpska nuk ka arsye të besojë në objektivitetin e një manovre të tillë.

Pas takimit me Presidentin Aleksandar Vuçiç Dodik nënvizoi se gjykatësi shqiptar ishte zgjedhja e një gjykatësi mysliman, i cili nuk është më në detyrë, por që punonte me të në disa raste.