Një zyrtar i lartë akuzohet për vendosje kamere të fshehtë në tualetin e ambasadës

Një ish-oficer i lartë detar nga Zelanda e Re është akuzuar për fshehjen e një aparati të fshehtë në banjën e ambasadës së vendit në Uashington.

Alfred Keating po shërbente si zyrtar i lartë në ambasadë kur kamera u gjet korrikun e kaluar, shkruan albeu.com.

Ai është akuzuar për përpjekje për të bërë një regjistrim intim vizual dhe përballet me një maksimum prej 18 muaj burgim nëse dënohet.

Keating është deklaruar jo fajtor ndaj akuzave.

Kamera kishte një shtresë të trashë pluhuri në rritje, duke treguar se kishte qenë e vendosur prej muajsh.

Tualeti në të cilin u vendos kamera ishte përdorur nga rreth 60 njerëz që punonin në ambasadë.