Nuk e dinte se do ekzekutohej deri momentin e fundit

Një brazilian, që u ekzekutua në Indonezi për trafik droge, nuk e dinte se do vdiste, bëri të ditur prifti i tij.

At Charlie Burrows tha se Rodrigo Gularte dëgjonte zëra dhe nuk e kuptonte se do të qëllohej nga një skuadër pushkatimi deri në fund.

Ai ishte diagnostikuar me skizofreni paranojake dhe çrregullime bipolare.

Shtatë të huaj dhe një indonezian u ekzekutuan të mërkurën, duke shkaktuar shumë zemërim në mbarë botën.