Nuk kishte ndodhur më parë, prangoset në lidhje direkte gazetari që mbulonte protestat

Gazetari i “CNN”, Omar Jimenez u prangos në lidhje direkte, ndërsa mbulonte protestat në Minneapolis, të shpërthyera pas vrasjes së George Folyd, i mbajtur në tokë nga një polic pasi i vuri gjurin në fyt derisa s’mori dot më frymë.

Jimenez u identifikua qartësisht si reporter, por gjithsesi u prangos së bashku me trupën e xhirimit. “CNN” e cilësoi ndodhinë si dhunim të Amendamentit të Parë.

Ndërkohë, protesta është zgjeruar në shumë qytete amerikane. Manifestuesit kane ndezur një zjarr në komisariatin ku punonin policët e ndaluar për vrasjen e 46-vjeçarit me ngjyrë. Në Denver, Colorado, pati dhe të shtëna me armë gjatë tubimit. Në New York pati disa të arrestuar.