Nuset janë gati, por Covid-19 i pengon. Protesta që po bën xhiron e rrjetit (FOTO)

Pandemia e Covid-19, ka bërë që dasmat në të gjithë botën të anulohen ose shtyhen, disa nga izolimi dhe të tjera për shkak të distancimit social dhe rregullit për një numër të kufizuar të ftuarish. Kjo ka prishur planet e shumë çifteve dhe për pasojë ditën më të bukur të tyre. Një grup nusesh të zemëruara nga këto zhvillime zhvilluan një protestë të veçantë në Romë të Italisë, pranë “Fontana di Trevi”, kundër efekteve të pandemisë.

“Jam këtu për të protestuar pasi duhej të martohesha këtë vit, por nga pandemia nuk mund të gjeja një restorant, kështu që isha e detyruar ta shtyja për vitin tjetër. Shpresoj që çdo gjë të shkojë mirë dhe të martohem vitin tjetër”.

Dasmat u lejuan sërish të mbaheshin në Itali që prej 18 majit, por me shumë pak të ftuar. Mbajtja e maskave është e detyrueshme për të gjithë, madje edhe për çiftin, ndërsa nuk lejohet hedhja e buqetës apo orizit tradicional si dhe shoqërimi i nuses krah për krah nga babai në altar për shkak të distancimit social.