Papa Françesku: Ukraina, të krishterët po vrasin njëri-tjetrin

Në audiencën e përgjithshme, Papa Françesku bëri përsëri thirrje për paqe në Ukrainë.

Edhe një herë, mendimi i Atit të Shenjtë shkoi me dhimbje tek populli i dashur ukrainas.

Për fat të keq, pohoi ai, situata po keqësohet nga kundërvënia ndërmjet palëve, po rëndohet gjithnjë më shumë.

“Lutemi sidomos, për viktimat, ndërmjet të cilave ka shumë civilë e për familjet e tyre i kërkojmë Zotit të marrë fund sa më shpejt dhuna vëllavrasëse.

Përsëris thirrjen time që të bëhet çdo përpjekje e mundshme, edhe në nivel ndërkomb ëtar, për rifillimin e dialogut, udha e vetme e mundshme për të risjellë paqen e harmoninë në këto troje të martirizuara”, apeloi ai.

Ndërsa jashtë tekstit zyrtar, Papa shtoi: “Vëllezër e motra, kur dëgjoj fjalët ‘fitore’ ose ‘disafatë’ ndjej një dhimbje të madhe, një trishtim të madh në zemër. Nuk janë fjalë të drejta, e vetmja fjalë e drejtë është ‘paqe’. Vetëm kjo është fjalë e drejtë. Unë mendoj për ju, vëllezër e motra ukrainase … Po ju a nuk mendoni se kjo është luftë ndërmjet të krishterëv e! Ju të gjithë keni të njëjtin pagëzim! Po luftoni të krishterë kundër të krishterëv e. Mendojeni këtë! E të lutemi të gjithë, sepse lutja është protesta jonë para Zotit në kohë lufte”.