Parashikimi/ Evropa të bëhet gati për një dhjetor të “çmendur”!

Dimri ka ardhur shumë më herët në disa pjesë të Evropës. Temperaturat e ulëta dhe reshjet e shiut gjatë javës së kaluar kanë treguar se dimri ka ardhur pa filluar Dhjetori.

Kujdes, ashtu si vera ishte shumë e nxehtë dhe dimri ka gjasa të thyej disa rekorde. Pritet që ky Dhjetor të jetë më i ftohtë i 7 viteve të fundit.

Gjysma e parë e këtij muaji do të jetë jashtëzakonisht e ftohtë. Temperaturat pritet të jenë më të ulëtat e 7 viteve të fundit, por ndoshta mund të jenë dhe më të ulëta së parashikohen.

Bloomberg ka bërë intervista me tetë meteorologë të cilët kanë konfirmuar të njëjtën gjë. Dhjetori mund të jetë akoma më i ftohtë se ai i vitit 2010. Ndërkohë deri më tani në Evropë ka reshje shiu dhe dëbore në shumë zona.

Tre ditët e fundit në Shqipëri kanë qenë të një emergjence të lartë. Përmbytjet e shumta kanë sjelle dëme materiale por dhe dy viktima. Disa zona të ulëta janë përmbytur në Evropë nga reshjet e shumta të shiut.

Temperaturat e ulëta do të prekin të gjithë zonat Qëndrore dhe Perëndimore, duke sjellë rënie e dëborës në shumë shtete Evropiane.

Dëbora është një lajm i shkëlqyeshëm për industrinë evropiane të skive, me fillimin e hershëm të sezonit për shumicën e fushave. Shumë vendpushime kanë të gjitha ashensorët e hapur dhe bora është me bollëk. Konica.al