Pas 1 muaji, Kina regjistron rastin e parë lokal me Covid-19

Autoritetet në Kinë kanë raportuar rastin e parë lokal të infektimit me koronavirus që prej 14 shkurtit. Personi i infektuar është një punonjës në sektorin e shëndetësisë në qytetin Xi’an, në veri të provincës Shaanxi.

Edhe pse ky është rasti i parë lokal i transmetimit të virusit prej më shumë se një muaji, shpesh herë janë pikasur persona që udhëtonin nga jashtë të infektuar me koronavirus.

I infektuari punon në spital dhe është përgjegjës për marrjen e mostrave për testimet për koronavirus për personat në karantinë.