Pas 48 vitesh në burg, i dënuari shpallet i pafajshëm

A kanë të drejtë gjithmonë gjykatat? Rasti i 71-vjeçari tregon që jo.

Glynn Simmons i cili kaloi 48 vjet, 1 muaj e 18 ditë burg për akuzat e vrasjes dhe u lirua nga prokurorët pas aplikimit të avokatëve të tij, nuk është fajtor. Ky është vendimi i dhënë nga gjyqtarja e Gjykatës së Qarkut në Oklahoma, Amy Palumbo.

Gjykata ka gjetur prova të qarta dhe bindëse se Simmons nuk e ka kryer krimin për të cilin është dënuar. Ai hyri në histori si i burgosuri që ka qëndruar më gjatë në burg “pafajësisht” në SHBA.