Pas Brexit 75,000 vende pune më pak në Angli

Banka e Anglisë beson se pas largimit të Britanisë nga Bashkimi Evropian  rreth 75,000 vende pune mund të humbasin shërbimet financiare.

Sipas  BBC  shifren e lartë Banka po e përdor si një “skenar të arsyeshëm”, veçanërisht nëse nuk do të ketë ndonjë marrëveshje specifike për shërbimet financiare mes Mbretërisë së Bashkuar dhe BE.

Shifra mund të ndryshojë në varësi të marrëveshjes tregtare britanike pas Brexit. Por banka ende pret humbje të konsiderueshme të vendeve të punës.

Banka e Anglisë u ka kërkuar bankave dhe institucioneve të tjera financiare, të përgatiten edhe për plane të paparashikuara.

Kjo do të thotë që bankat me bazë në Britani të Madhe mund të humbin të drejtat e veçanta  për të vepruar në të gjithë BE-në.