Pas fotos si “Hitler” kreu i Pegida në Gjermani jep dorëheqjen

Lutz Bachmann, lideri i lëvizjes Pegida në Gjermani, ka dhënë dorëheqjen.

Lëvizja anti- islamike dhe anti- emigracion ka shkaktuar shumë shqetësim në Gjermani dhe më gjerë.

Por ndërsa lëvizja rritet me shpejtësi, Bachmann ka dhënë dorëheqjen.

Shkak është bërë një foto e tij, postuar në Facebook, ku ai imiton Adolf Hitlerin.

Dorëheqja e tij vjen pikërisht në ditën kur në Lajpcig të Gjermanisë do të zhvillohet demonstrata më e madhe e lëvizjes anti- islamike.

Mbi 40 mijë njerëz pritet që të jenë të pranishëm.