Pasaportat ruse nuk do të njihen në BE

Lufta ruse në Ukrainë vijon, dhe është në ditën e 260. Pasaportat ruse të lëshuara në Ukrainën e pushtuar nuk do të njihen në BE, sipas grupit të negociatorëve në Bruksel.

”E njëjta gjë do të zbatohet për dokumentet e lëshuara në republikat separatiste të Osetisë së Jugut dhe Abkhazisë në Gjeorgji’’, theksoi në një deklaratë e Këshillit Evropian, i cili përfaqëson vendet e BE-së.

Komisioni Evropian propozoi rregullin e nivelit të bllokut në fillim të shtatorit, duke vënë në dukje se pothuajse të gjitha vendet anëtare të BE-së kishin ndërmarrë tashmë veprime.

Vendet e BE-së dhe Parlamenti Europian duhej të arrinin një marrëveshje përpara se legjislacioni të hynte në fuqi.