Përdoruesja e drogës merr në telefon policinë: Më mashtruan, më shitën sheqerin për kokainë

Policia në Irlandën Veriore ka mbetur pa fjalë nga denoncimi i një qytetareje.

Në fakt, qytetarja ishte një përdoruese droge e xhindosur sepse i kishin shitur sheqer në vend të kokainës.

Sipas asaj që ajo vetë rrëfeu, vajza i kishte paguar shpërndarësit të kokainës 230 euro, por në fakt kishte qenë duke blerë sheqer.

Të habitur nga situata në fjalë, oficerët e policisë bënë një postim në Facebook ku shpjegonin rastin.

Në postimin e tyre, ata tregonin se si kishte shkuar biseda.

Telefonata:

Telefonuesja: Më kanë mashtruar.

Policia: Ok ju kanë marrë para?

Telefonuesja: Po, pagova 230 euro dhe në vend të saj më dhanë sheqer ngjyrë kafe.

Policia: Ne vend të çfarë?

Telefonuesja: Të kokainës.

Duke vazhduar në kuadër të shakasë, në postimin e policisë thuhej gjithashtu:

Nëse ju ka mashtruar trafikuesi i drogës dhe doni që ta bëni të paguajë, telefononi në numrin 101.”