Përmbytje në Francë, 6 të vdekur

Së paku 6 persona kanë humbur jetën si pasojë e përmbytjeve në rajonin Aude në jugperëndim të Francës.

Sipas autoriteteve lokale franceze, në vetëm pak orë ra shi sa për muaj të tërë, duke krijuar edhe mjaft probleme në disa rajone.

Alain Thirion, prefekti i rajonit të Aude deklaroi se njerëzit u detyruan që të hipnin në çatitë e tyre, për shkak të përmbytjeve.

Për evakuimin e tyre janë përdorur helikopterë, pasi rrezikonin nëse transportoheshin me varka.