Pjesë e forcave SAS, 79-vjeçari: Më ofruan 1 milion dollarë për të vrarë Pablo Escobar

Sot është 79-vjeç, por Peter McAleese ka qenë pjesë e forcave të SAS, që kishte si synim për të vrarë mbretin kolumbian të kokainës, Pablo Escobar. Ai kishte për detyrë të drejtonte ekipin për të eliminuar baronin e drogës.

McAleese ka zbuluar se ai ishte pjesë e një ekipi që iu ofrua 1 milion dollarë për “kokën” e shefit të kartelit Medellin. “Ne fluturuam në Kolumbi dhe u takuam me një djalë të quajtur Jorge Salcedo dhe ai na informoi për atë që po ndodhte. Takuam më pas 2 biznesmenë që në fakt ishin pjesë e kartelit Cali”, nis rrëfimin 79-vjeçari.

McAleese tregon se si Salcedo, i cili ishte pjesë e bandës rivale të kartelit Cali, po koordinonte sulmin dhe ai donte të rekrutonte një ekip për ta kryer atë. Peteri ishte personi i parë që kishte pyetur.

Me një pasuri që vlerësohej më shumë se 40 miliardë paund, Escobar konsiderohej si krimineli më i pasur në histori. Në kulmin e tij, ai kontrabandonte 15 tonë kokainë në ditë, ndërsa kartelet rivale mbaheshin larg me plumba dhe bomba.