Post-vizita e Ramës, Serbia i premton ndihma Preshevës

Hap i parë i kësaj marrëveshje ka qenë ndarja e 430 mijë eurove për 21 kompani në tre komuna.

Të pranishëm në ndarjen e këtyre fondeve, ishin edhe tre kryetarët e komunave të Luginës se Preshevës, Bujanovcit dhe Medvegjës.

Qeveria serbe përmes kësaj marrëveshje tenton të ndihmojë në zhvillimin ekonomik të komunës, duke konkretizuar në këtë mënyrë angazhimin e saj për të ndihmuar shqiptarët e Luginës së Preshevës.

Pavarësisht nga buxheti i planifikuar, qeveria serbe  ka ndarë sot 51 milionë dinarë ose 430 mijë euro për 21 kompani në tri komuna, ka njoftuar Stankoviç.

“Me këtë program, qeveria e Republikës së Serbisë përmes Trupit Koordinues, tenton të ndihmojë në zhvillimin ekonomik të komunës, për sipërmarrjen në këtë fushë, për ta bërë më konkurruese”, ka thënë ai.