Pragë, një 70-vjeçar rrezikon burgim të përjetshëm për terrorizëm

Një shtetas çek, 70 vjeç, rrezikon të dënohet me burgim të përjetshëm për terrorizëm, pasi u përpoq të pengonte disa trena duke bërë të mendohet se ishte vepër e besimtarëve myslimanë.

”I ndaluar dhe burgosur javën e kaluar, ai kishte prerë pemë në qershor dhe korrik 2017 pranë dy hekurudhave në qytetin Mlada Boleslav në qendër të vendit”, sipas prokurorit që citohet nga faqja në internet e gazetës “Lidove noviny”, një prej gazetave kryesore të Republikës Çeke.

Trenat u përplasën me pemët, por pa pasur viktima apo të plagosur.

Njeriu 70-vjeçar kishte lënë në vendngjarje gjurmë që mbanin mesazhe në gjuhën arabe, por të shkruara me germa latine.

”Ai dëshironte të shkaktonte në popullsi frikë nga vala e imigracionit mysliman dhe nga sulmet terroriste”, deklaroi prokurori, Marek Bodlak.

Pensionisti rrezikon burgim të përjetshëm sipas www.lidovky.cz.